Գրողների միության մեծ դահլիճում այսօր կազմակերպվել էր «Ժառանգություն» կուսակցության բաց հանդիպումը՝ իր համակիրների և կուսակցության անդամների միջև:
Մինչ հանդիպումը «Ժառանգության» առաջնորդ Րաֆֆի Հովհաննիսյանը պատասխանեց լրագրողների մի քանի հարցերին: Հարցին` ի՞նչ փուլում է գտնվում իր նախաձեռնած «Նոր Հայաստան շարժումը», Ր․ Հովհաննիսյանը պատասխանեց․ «Դա իմ շարժումը չէ, դա մեր շարժումն է, դա մեր բոլորինն է: Չընտրված իշխանություններին ես արել եմ իմ առաջարկությունները, տարբեր կերպ դե ֆակտո շփվել մեր համաքաղաքացիների և ժողովրդի հետ: Այն իմը չէ, դրա համար այն կկայանա այս ընթացքում, կամ այլ եղանակով` մենք անջատ-անջատ կշարունակենք մեր գործունեությունը»:
Արդեն քաղաքացիների առաջ ելույթ ունենալով` Րաֆֆի Հովհաննիսյանն անդրադարձավ օրեր առաջ Գորիսի ողբերգական իրադարձություններին: «Եթե պարոն Լիսկան պատասխանատվություն չկրի, ապա կլինեն նոր սպանություններ»,- ասաց նա՝ հավելելով, որ «Ժառանգությունը» վաղվանից սկսում է իր մարզային հանդիպումները, և առաջին այցը կլինի հենց Սյունիքի մարզ․ «Մենք հաջորդիվ կլինենք նաև Շիրակի և Լոռու մարզերում, մենք գնալու ենք հստակ առաջարկներով, հստակ անելիքներով»:
Լուսանկարը` PanARMENIAN Photo-ի
