Այս տարի Երևանում կանցկացվի «Ոսկե ծիրան» 10-րդ միջազգային կինոփառատոնը, որը ավանդաբար կպահպանի չորս մրցութային անվանակարգերը: Ներկայացվել է կինոփառատոնին մասնակցելու 1200 հայտ՝ շուրջ 96 երկրից, որից ընտրվել է շուրջ 200-ը, որոնցից 90-ը՝ մրցութային ծրագրում: Այս 90 ֆիլմերը կներկայացվեն «խաղարկային», «վավերագրական», «հայկական համայնապատկեր» և «կարճամետրաժ» ֆիլմեր անվանակարգերում:
Ժյուրին այս տարի կգլխավորի համաշխարհային կինոարվեստի մեծերից մեկը՝ հունգարացի Իշտվան Սաբոն:
Այսօր լրագրողների հետ հանդիպմանը «Ոսկե ծիրան» միջազգային կինոփառատոնի ծրագրերի տնօրեն Միքայել Ստամբոլցյանն ասաց, որ հայտերը սպասվածից ավելին էին, որակապես նույնպես ֆիլմերը լավն են. «Լավ ֆիլմերը շատ են, սակայն մենք ընտրել ենք այնպիսիք, որոնք մրցունակ են»,- շեշտեց նա:
Մանրամասները դիտեք տեսանյութում:
