Ադրբեջանական ագրեսիայից ամենամեծ վնասները կրած Արցախի Թալիշ գյուղում ապրիլյան քառօրյա պատերազմից հետո ողջ գյուղի տարհանումից հետո դեռ բնակիչներ կային, սակայն այսօր բոլորն են հեռացել:
Թալիշցի Վլադիկը ապրիլի սկզբին իր ընտանիքի անդամների հետ հեռանալուց հետո առաջին անգամ է գյուղ վերադառնում, եկել է դեռևս պիտանի մնացած իրերի հետևից, սակայն ապարդյուն:
Նա ասում է, որ բոլոր թալիշցիները կվերադառնան գյուղ, եթե ապահովվի անվտանգությունը՝ ադրբեջանական դիրքերը հետ շպրտելու և բուֆերային գոտին ընդլայնելու դեպքում:
Գյուղում գրեթե անհնար է անվնաս տուն գտնել, Թալիշի զորամասը ևս ռմբակոծությունների է ենթարկվել:
Համընդհանուր ավերածությունների ֆոնին միակ կանգուն շինությունը եկեղեցին էր, որ անգամ արկակոծվելուց հետո կանգուն է մնացել, մեր նկարահանման պահին այնտեղ անգամ մոմեր էին վառվում:
Մանրամասները՝ տեսանյութում: