ԱՄՆ Կոլորադո նահանգում անտառային հրդեհների պատճառով տարհանվել են ավելի քան հազար տների բնակիչներ, հաղորդում է Fox News-ը:
Ներկայում նահանգի տարածքում գրանցվել է 4 հրդեհ, որոնցից ամենաուժեղը մոլեգնում է Կոլորադո-Սփրինգս քաղաքում և նահանգի հյուսիսում գտնվող Ռոք-Մաունթին ազգային այգում։ Նահանգի հարավում մոլեգնող հրդեհը սպառնում է բնակելի շրջաններին:
Կրակն արդեն ոչնչացրել է մի քանի բնակելի տներ: Զոհերի և տուժածների մասին տվյալներ չկան: Շերիֆ Թերի Մակետան հայտարարել է, որ կրակի արագ տարածման հետևանքով ոչ բոլոր բնակիչներն են հասցրել հեռանալ իրենց տներից: Հրշեջները բնակիչներին օգնում են տեղափոխվել անվտանգ վայրեր:
