Samsung ընկերությունը դարձել է առաջատար ԱՄՆ-ի սմարթֆոնների շուկայում՝ առաջ անցնելով Apple-ից։ Այս մասին հայտնում է BusinessKorea-ն՝ հղում անելով Counterpoint Research հետազոտությանը։
Համաձայն տվյալների՝ մարտին Samsung-ը դարձել է ԱՄՆ-ում ամենամեծ ժողովրդականություն վայելող սմարթֆոն արտադրողը և զբաղեցրել սմարթֆոնների շուկայի 28.8 տոկոսը, մինչդեռ Apple-ը՝ 23 տոկոս։ Հետազոտողները հաստատում են, որ ամերիկյան շուկայում առաջատար դիրքեր գրավել Samsung-ին օգնել է Galaxy S7 սմարթֆոնի թողարկումը, որն ընկերության նախորդ մոդելի համեմատ բավականին շատ դրական արձագանքներ է ստացել։
Apple ընկերությունը երկրորդ տեղում է՝ ամերիկյան շուկայում 23 տոկոս մասնաբաժնով։ Երրորդ տեղը զբաղեցնում է LG ընկերությունը՝ 17.1 տոկոս մասնաբաժնով։ Չինական ZTE արտադրողը 4-րդ տեղում է (6,6%), հնգյակը եզրափակում է Alcatel-ը՝ 4․5%։
