Քիչ առաջ կառավարության նիստում գործադիրը հավանության արժանացրեց Արցախի անկախությունը ճանաչելու մասին ԱԺ «Ժառանգություն» խմբակցության պատգամավոր Զարուհի Փոստանջյանի և ԱԺ ՀԱԿ խմբակցության պատգամավոր Հրանտ Բագրատյանի կողմից ներկայացված օրինագիծը: Այն ներկայացրեց ԱԳ փոխնախարար Շավարշ Քոչարյանը: Առաջիկայում ԱԺ-ն կքննարկի Արցախի ճանաչման օրինագիծը:
«Իշխանությունների մոտ այս հարցում դիրքորոշման փոփոխություն է եղել, սա ինչ-որ չափով առաջընթաց է»,- լրագրողների հետ ճեպազրույցում նշեց Զ. Փոստանջյանը: Նրա կարծիքով՝ Լեռնային Ղարաբաղի անկախության ճանաչումն այլընտրանք չունի. սա մեր ողջ հանրության պահանջն է:
«Ճանաչմամբ մենք կանխում ենք բավականին խնդիրներ, մենք աշխարհում դառնում ենք քաղաքական գործոն, այդպես մենք կարողանում ենք հանդես գալ որպես ուժեղ գործոն, իսկ մենք այս պարագայում բավականին թույլ դիրքերից ենք հանդես գալիս»,- նշեց պատգամավորը:
Մանրամասները՝ տեսանյութում:
