Վրացական GHN.ge լրատվական գործակալության փոխանցմամբ, Վրաստանի «Ժողովրդավարկան շարժում» կուսակցության առաջնորդ Նինո Բուրջանաձեն վստահ է, որ մայիսի 21-ին սկսվելիք «Ժողովրդական հավաք» կազմակերպության ակցիաները կարճ ժամանակ անց Վրաստանում կհանգեցնեն իշխանափոխության.
«Այսօր «Ժողովրդական հավաք»-ին է միացել «Հանրապետական» կուսակցության աջարական կազմակերպության ղեկավար Մուրման Դումբաձեն: Դա շատ կարևոր էր, քանի որ նրանք ունեն մեծ թվով համակիրներ: Օրեցօր «Ժողովրդական հավաք»-ն առավել է հզորանում»:
Հիշեցնենք, որ օրեր առաջ էլ Նինո Բուրջանաձեն հայտարարել էր, թե այս ամառը վերջինն է հանդիսանալու նախագահ Միխեիլ Սաակաշվիլիի համար` ընդգծելով, որ իրենք մտադիր չեն շաբաթներ անցկացնել փողոցներում:
