Անդրխաղաղօվկիանոսյան գործընկերության տնտեսական համաձայնագրի ստորագրումը թույլ կտա ԱՄՆ-ին սահմանել համաշխարհային առևտրի կանոնները, որոնց կհետևեն մնացած բոլոր երկրները՝ կարծում է ԱՄՆ նախագահ Բարաք Օբաման։
«Պատերի կառուցումը գլոբալ տնտեսությունից ինքնամեկուսացման համար միայն մեկուսացնում է մեզ անհավանական հնարավորություններից, որոնք այն տալիս է։ Հակառակը՝ ԱՄՆ-ը պետք է գրի կանոնները։ Ամերիկան պետք է որոշի։ Մյուս երկրները պետք է խաղան կանոններով, որոնք սահմանում են Ամերիկան և նրա գործընկերները, և ոչ մի այլ կերպ։ Անդրխաղաղօվիանոսյան գործընկերության համաձայնագիրը հենց այն է, որը մեզ թույլ կտա անել դա»,- հայտնել է Օբաման Washington Post-ի իր հոդվածում։
«Աշխարհը փոխվում է, և կանոններն էլ՝ դրա հետ մեկտեղ։ ԱՄՆ-ը, այլ ոչ թե Չինաստանի նման երկրները պետք է գրեն դրանք»,- հավելել է նա։
Փետրվարի սկզբին Նոր Զելանդիայում ԱՄՆ-ի,Կանադայի, Մեքսիկայի, Պերուի, Չիլիի, Ճապոնիայի, Մալայզիայի, Բրունեյի, Սինգապուրի, Վիետնամի, Ավստրալիայի և Նոր Զելանդիայի առևտրի հարցերով նախարարները ստորագրեցին Անդրխաղաղօվկիանոսյան գործընկերության մասին համաձայնագիրը, որի շրջանակում կստեղծվի ազատ առևտրի գոտի։
Համաձայնագիրը պետք է վավերացվի յուրաքանչյուր երկրի կողմից։ ԱՄՆ-ում դա պետք է անի Կոնգրեսը, որի հանրապետական մեծամասնությունը դեմ է փաստաթղթին։
