Տեղեկություններ են տարածվել այն մասին, որ Lambda Labs ընկերությունը զբաղվում է Google Glass-ի Android օպերացիոն հարթակի վրա դեմքերի ճանաչման հավելվածի մշակմամբ: Այն կարող է հայտնվել արդեն մեկ շաբաթից: Այս մասին հայտնում է Vesti-ն:
Lambda Labs-ի ներկայացուցիչները հաստատում են, որ ավելի վաղ ընկերությունն արդեն աշխատել է նման տեխնոլոգիաների հետ: Անցած տարի այն թողարկել է Face API-ն, որը ներբեռնվել է ավելի քան 1000 անգամ և այժմ կիրառվում է մի քանի խոշոր ընկերություններում՝ աշխատակիցների դեմքերը ճանաչելու համար:
Google Glass-ի համար ստեղծվող հավելվածը կունենա մի շարք առավելություններ. այն կկարողանա դեմքերը ճանաչել ամբոխի մեջ, ինչպես նաև ճանաչել նախկինում հանդիպած մարդկանց: Այդ գործառույթը կարող են արժանվույնս գնահատել նրանք, ովքեր խնդիրներ ունեն հիշողության հետ:
Հավելվածը կնշի նաև այն մարդկանց, որոնց հետ սարքի տերն ունի միանման հետաքրքրություններ: Որոշ փորձագետներ թերահավատորեն են վերաբերվում գործառույթի աշխատանքի որակին:
Եթե նույնիսկ այն թողարկվի, տեխնոհսկան չի պատրաստում այն ներառել Google Play-ում:
