Պարզվում է՝ երգչուհի Մադոննան ունի ոչ միայն գեղեցիկ արտաքին ու հանդես է գալիս ակտիվ քաղաքացիական դիրքերից, այլև բարձր ինտելեկտ: Աստղը IQ Mensa International միջազգային կազմակերպության վարկածով ընդգրկվել է ամենախելացի հայտնիների ցանկում, հաղորդում է Huffington Post-ը:
Mensa-ի անդամ կարող են դառնալ միայն մարդիկ, որոնք IQ թեստ են հանձնել ավելի լավ, քան երկրի բնակչության 98 տոկոսը: Այդպիսիք համարվում են նրանք, որոնց հաջողվում է այդ դժվարին քննությունում հավաքել 139 միավորից ավելի:
Մադոննան հավաքել է 140 միավոր: Նույնքան միավոր է հավաքել նաև երգչուհի Շակիրան: Շատերը զարմացած էին, որ նա կարող է մրցել ոչ միայն գեղեցկությամբ, այլև պրոֆեսորի ինտելեկտին չզիջող խելքով:
Ընդ որում՝ երգչուհիները զբաղեցրել են Mensa-ի ինտելեկտուալ վարկանիշի ստորին աստիճանը:
