Այսօր` մայիսի 9-ին, Հայաստանում նշում են եռատոնը` Շուշիի ազատագրման, Երկրորդ աշխարհամարտի հաղթանակի և ԼՂՀ պաշտպանության բանակի օրերը: Հայ ազգային կոնգրեսի ներկայացուցիչները և համակիրները այսօր այցելեցին նախ Հաղթանակի զբոսայգի, ապա՝ Եռաբլուր պանթեոն: Կոնգրեսի առաջնորդ, Հայաստանի առաջին նախագահ Լևոն Տեր-Պետրոսյանը, ՀԺԿ առաջնորդ Ստեփան Դեմիրճյանը, «Հանրապետություն» կուսակցության առաջնորդ Արամ Սարգսյանը և Կոնգրեսի անդամ մյուս կուսակցությունների ղեկավարները հարգանքի տուրք մատուցեցին Երկրորդ համաշխարհային պատերազմի հաղթանակի համար զոհվածների հիշատակին` ծաղկեպսակ դնելով Անմար կրակի մոտ:
Այնուհետև ՀԱԿ ներկայացուցիչները համակիրների հետ այցելեցին Եռաբլուր պանթեոն, հարգանքի տուրք մատուցեցին արցախյան ազատամարտում նահատակված ազատամարտիների հիշատակին և ծաղկեպսակ դրեցին Անհայտ կորած ազատամարտիկների հիշատակը հավերժացնող հուշակոթողին:
Լուսանկարները կարող եք դիտել այստեղ
