Չորսուկես տարի է պահանջվել 32-ամյա ճապոնացի Մասախիտո Յոսիդայից, որպեսզի ոտքով շուրջերկրյա ճանապարհորդություն կատարի: Սակայն նրա արարքի առանձնահատկությունն այն է, որ աշխարհի շուրջ իր ողջ ճանապարհորդությունը, իսկ դա 40 հզ. կմ է, նա հաղթահարել է՝ իր հետ տանելով տարբեր իրերով բեռնված երկանիվ սայլ:
Ինչպես այսօր հաղորդել են ճապոնական լրատվամիոցները, 2009 թ. իր արտասովոր ճամփորդության ժամանակ Յոսիդան ուղևորվել է Շանհայ: 16 հզ. կմ հեռավորությունը հաղթահարելու և Կենտրոնական Ասիայից Պորտուգալիայի Միսա Ռոկա հասնելու համար նրան պահանջվել է 1,8 տարի: Այնտեղից մեկնելով ԱՄՆ՝ ճապոնացին Նյու Ջերսիից մեկնել է Վանկուվեր, ուր հասել է 2011-ի հոկտեմբերին:
Ավելի ուշ իր ճանապարհորդության ընթացքում տղամարդն անցել է նաև Ավստրալիայով: Հարկ է նշել, որ Կանաչ մայրցամաքում գտնվելու ժամանակ նա կատարել է մանր աշխատանքներ, որպեսզի գումար վաստակի սննդի և այլ ամենօրյա ծախսերի համար:
Վերադառնալով Ասիա՝ նա անցել է Սինգապուրով և Վիետնամով: Սոցիալիստական հանրապետությունում Մասախիտոն առողջական խնդիրներ է ունեցել, սակայն դա նրան չի խանգարել հաղթահարել օրական 30 կմ, քանի որ վիետնամական վիզայի ժամկետն արդեն լրանում էր:
Չնայած ճապոնացին անցել է ողջ երկրագունդը, նա մտադիր է շարունակել ճանապարհորդությունը Շանհայից դեպի Թայվան, իսկ այնտեղից էլ վերադառնալ հայրենիք:
