Օրական 5 բաժակից ավել սուրճ խմողները կարող են քաշ հավաքել, ինչպես նաև ձեռք բերել 2-րդ կարգի շաքարախտ և որոշ խրոնիկական հիվանդություններ: Իսկ սուրճի օրական 3 բաժակ օգտագործումը, հակառակը, օգնում է նիհարելուն և նվազեցնում խրոնիկական հիվանդությունների առաջացման վտանգը: Այս մասին հաղորդում է Journal Agricultural and Food Cehmistry ամսագիրը:
Ավստրիացի գիտնականները պարզել են, որ սուրճի մեծ քանակությունը ճարպն «արգելափակում է» բջիջների ներսում, և դրանից շատ բարդ է ազատվել նույնիսկ ինտենսիվ վարժությունների միջոցով: Այս իրավիճակը կարող է հանգեցնել ինսուլինի, այսպես ասած, «անշարժությանը» և դրա հետևանքով՝ շաքարախտի առաջացմանը:
Բացի այդ, գիտնականները պարզել են, որ կանաչ սուրճի չարաշահումը կարող է գիրանալու պատճառ դառնալ:
