Շանհայում դատավարություն է սկսվել Չինաստանի երկաթուղային տրանսպորտի նախկին նախարար Լյու Չժինցզյունի դեմ: Այս մասին հայտնում է France Presse-ը՝ հղում անելով Չինաստանի պետական «Սինհուա» գործակալությանը:
Նախկին նախարարը մեղադրվում է կոռուպցիայի և ծառայողական պարտականությունների չարաշահման մեջ: Քննության վարկածով՝ նախարարի պաշտոնում եղած ժամանակ նա կաշառք է վերցրել երկաթուղիների շինարարության պետական պայմանագրերի բաշխման համար: Կաշառքների չափը չի հստակեցվում, սակայն դատախազությունը դրանք անվանել է «վիթխարի»:
Լյու Չժինցզյունն այդ պաշտոնում նշանակվել է 2003 թվականին, հեռացվել՝ 2011-ին: 2012-ի նոյեմբերին նրան բացառել են Չինաստանի Կոմունիստական կուսակցությունից:
