Գոլանի բարձունքների մոտ սիրիական ընդդիմադիրները կրակ են բացել ռուսական հեռուստաընկերության նկարահանող խմբի վրա: Այս մասին հաղորդում է ITAR-TASSկայքը:
Նկարահանման խումբը Սիրիայի զինծառայողների ուղեկցությամբ շարժվում էր դեպի «Չարլի» հսկիչ անցակետ, որտեղ գտնվում են ՄԱԿ-ի խաղաղապահները և սիրիացի զինվորների դիտակետերը:
«Գրոհայինները թակարդ լարեցին ճանապարհին և կրակ բացեցին ավտոմեքենաների ուղղությամբ, սկսվեց մարտը: Մոտ 15 րոպեից լրագրողները զինվորների օգնությամբ կարողացան հասնել «Չարլի» կետ»,- նշվում է կայքում:
Հայտնի չէ՝ տուժածներ կա՞ն, թե՞ ոչ:
