Մոտ 400 մարդ է ամեն օր Հնդկաստանում զոհվում ճանապարհատրանսպորտային պատահարների հետևանքով։ Այս մասին հայտնում է Economic Times պարբերականը՝ հղում անելով ոստիկանության ներկայացրած վիճակագրությանը։
Այսպիսով՝ Հնդկաստանի ճանապարհներին մարդիկ զոհվում են միջինը յուրաքանչյուր 3.6 րոպեն մեկ։
Համաձայն նախնական տվյալների՝ ճանապարհներին առավել մեծ թվով մահվան դեպքեր գրանցվել են Ուտար Պրադեշ նահանգում (17666), Թամիլնադուում (15642), Մահարաշտրայում (13212), Կարնատակայում (10856) և Ռաջաստհանում (10510)։
Ընդհանուր առմամբ անցած տարի ճանապարհներին մահվան ելքով վթարների թիվն ավելացել է 5 տոկոսով՝ հասնելով 146 հազարի, իսկ ճանապարհատրանսպորտային պատահարների թիվը հասել է ռեկորդայինի՝ 500 հազարի, մինչդեռ 2014-ին դրանց թիվը եղել է 489 հազար։
Ավտոճանապարհների և ճանապարհային տրանսպորտի հարցերով նախարար Նիտին Գադկարին ավելի վաղ նպատակադրվել էր 2020 թվականին 50 տոկոսով նվազեցնել վթարների թիվը:
