Բրյուսելում ահաբեկչություն իրականացրած Նաջիմ Լաաշրաուին քաջ ծանոթ է եղել վայրին, որտեղ գործարկել է պայթուցիկ սարքը։ Այս մասին հայտնում է VTM բելգիական հեռուստաալիքը։
Լրագրողների տվյալներով՝ ահաբեկչություն իրականացրած երիտասարդն աշխատել է Բրյուսելի օդանավակայանում 5 տարի՝ մինչև 2012 թվականը։ Նշվում է, որ նրան աշխատանքի էր վարձել ժամանակավոր զբաղվածության գործակալությունը։ Այլ մանրամասներ հեռուստաալիքը չի ներկայացրել։
Ավելի վաղ Եվրահանձնաժողովի պաշտոնական ներկայացուցիչը հայտնել էր, որ մահապարտներից մեկն ավելի վաղ Եվրախորհրդարանում հավաքարար է աշխատել։ Նա կոնկրետ անուն չի ասել, սակայն ԵՄ աղբյուրը հայտնել է, որ խոսքը 25-ամյա Լաաշրաուիի մասին է։
Բելգիայի կողմից Լաաշրաուիի դեմ միջազգային հետախուզում էր հայտարարվել 2014 թվականի մարտին։ Այդ ժամանակ նրա դեմ հեռակա կարգով ահաբեկչական գործունեության մեղադրանք էր առաջադրվել, դատախազը նրա համար պահանջել էր 15 տարվա ազատազրկում։ Հայտնի է, որ 2013 թվականին Լաաշրաուին գտնվել է Սիրիայում, իսկ 2015-ի սեպտեմբերին ուևորվել Հունգարիա։
