Վրաստանի նախարարների կաբինետում մինչև աշնանային խորհրդարանական ընտրությունները կլինեն աննշան փոփոխություններ, սակայն դրանից հետո նախարարների կազմը կնորացվի, լրագրողներին ասել է երկրի վարչապետ Գեորգի Կվիրիկաշվիլին, հայտնում է RIA Novosti-ն:
«Մի անգամ ևս կրկնում եմ, որ մինչև ընտրություններ չի պլանավորվում որևէ լուրջ փոփոխություն: Ենթադրաբար կլինի 1 կամ 2 փոփոխություն, այսօրվա դրությամբ ես որոշում չեմ կայացրել, այդ պատճառով այդ մասին խոսելը նպատակահարմար չեմ համարում»,- ասել է նա:
Լրագրողների այն հարցին, թե «Վրացական երազանք» կուսակցության հիմնադիր, նախկին վարչապետ Բիձինա Իվանիշվիլին կշարունակի՞ ղեկավարել «կուլիսների հետևից», Կվիրիկաշվիլին պատասխանել է, որ ինքը Իվանիշվիլիի հետ միշտ ունեցել է կառուցողական և բաց հարաբերություններ, չի խուսափել տարբեր հարցերով դեբատներից, և որ նրան երկրի քաղաքական կյանքում ներառելը միայն դրական ազդեցություն կունենա:
