Նախօրեին գառնեցիները 9 ժամ շարունակ փակել էին Գեղարդ տանող Երեւան-Գառնի ճանապարհը` պահանջելով դադարեցնել Ազատ կիրճում իրականացվող աշխատանքը:
Ըստ Գառնիի բնակիչների, այդ աշխատանքները սպառնում են ձորի էկոհամակարգին: Հյուրընկալ գառնեցիներն ուզում են տեղացի և օտարերկրացի հյուրերին միշտ ցույց տալու բան ունենալ, սակայն բնությունը քարուքանդ անելուց հետո անապատով հպարտանալ չեն կարող:
Քաղցրաշենի ինքնահոս ոռոգման համակարգի կառուցման նախագծով նախատեսվում է Գառնիի ջրերը տեղափոխել Արարատի մարզի Քաղցրաշեն համայնք, որից պետք է սնվեն մարզի 12 համայնքներ: Գառնիի բնակիչների համոզմամբ՝ Քաղցրաշենի ինքնահոս ոռոգման համակարգը չէր կառուցվի, եթե վարչապետ Հովիկ Աբրահամյանը Նարեկ գյուղում չունենար մշակովի հողեր: Գյուղացիները պնդում են, որ ծրագիրը բխում է ոչ թե հանրության, այլ օլիգարխների շահերից:
Ինն ժամ անց գառնեցիների պահանջով տեխնիկան դուրս բերվեց Ազատի կիրճից: Գյուղացիները ճանապարհը բացեցին: Խնդիրը վերջնական լուծում չստացավ. շինարարական աշխատանքները դադարեցվեցին մինչև հաջորդ հանրային քննարկումը:
Մանրամասները՝ տեսանյութում:
