Էյչ–Էս–Բի–Սի-ի փորձագետները ներկայացնում են Ռուսաստանի և աշխարհի այլ տնտեսություններում տիրող ընթացիկ անկայունությանն ու արտարժութային շուկաների վրա ազդող գործոնները և թե ինչպես կարելի է կառավարել, նվազեցնել արտարժութային ռիսկերը այսօրվա պայմաններում:
Այս նպատակով բանկը հրավիրել է Էյչ–Էս–Բի–Սի Ռուսաստանի, Ռուսաստանի և ԱՊՀ–ի հարցերով տնտեսագետ, Էյչ–Էս–Բի–Սի համաշխարհային հետազոտությունների ներկայցուցիչ՝ Արտյոմ Բիրյուկովին, ով խոսել է ռուսաստանյան շուկայում առկա մարտահրավերների ու հնարավորությունների մասին:
Իսկ Էյչ-Էս-Բի-Սի Բանկ Հայաստան ՓԲԸ-ի Ֆինանսական շուկաներում բիզնեսի զարգացման բաժնի ղեկավար Մարինե Նիկողոսյանը ներկայացրել է Էյչ–Էս–Բի–Սի–ի արտարժութային ֆորվարդներ ծառայությունը:
Արտարժութային ֆորվարդ ծառայությունը, բանկի կողմից առաջարկվող ֆինանսական լուծում է, որով կազմակերպությունները կարող են հեջավորել իրենց արտարժութային ռիսկերը: Արտարժույթի հեջավորումը ռազմավարություն է, որն ուղղված է նվազեցնելու արտարժույթի ոչ բարենպաստ տատանումների ռիսկերը: Այն կարող է նպաստել հաղթահարելու այն խնդիրները, որոնք առաջանում են ապրանքների ներմուծման և արտահանման ընթացքում, երբ ապրանքների կամ ծառայությունների առք և վաճառքը կատարվում են տարբեր արժույթներով:
Արտարժութային ռիսկի հեջավորման նպատակն է նվազեցնել ապագայում տեղի ունեցող գործարքի փոխարժեքի անորոշությունը:
Կազմակերպությունները արտարժույթի հեջավորման ռազմավարությունն ընտրելիս պետք է առաջնորդվեն այն նպատակով, որ այդ գործարքներն իրականացվում են ապագայի կանխիկ հոսքերի որոշակիության համար և ոչ թե դիտարկվեն որպես եկամտաբեր կամ վնասով ֆինանսական գործարք:
Արտարժութային ֆորվարդ ծառայությունը դա առանց ձևակերպման վճարի պայմանագիր է, որը պաշտպանում է արժույթային զույգի փոխարժեքի անբարենպաստ փոփոխությունից պայմանագրի կնքման և մարման միջև ընկած ժամանակահատվածի ընթացքում: Արտարժութային ֆորվարդի հիմնական առավելությունն այն է, որ այն հնարավորություն է ընձեռում կատարել բյուջեի կանխատեսում, ստացվելիք և վճարման ենթակա գումարների արժույթների համադրում, ֆիքսված արտարժութային փոխարժեքի ապահովում որոշակի ժամանակահատվածում և ժամանակացույցով վճարումներ կատարելու հնարավորություն:
Էյչ-Էս-Բի-Սի Բանկ Հայաստան ՓԲԸ գլխավոր գործադիր տնօրեն Թիես Քլեմենցն իր բացման խոսքում նշեց. «Մենք այստեղ ենք ոչ միայն կքննարկելու, այլ նաև մեր հաճախորդներին համապատասխան լուծումներ առաջարկելու համար և կփորձենք այնպես անել, որ այս սենյակից դուրս գալիս նրանք ավելի լավ պատկերացում ունենան այսօրվա համաշխարհային տնտեսական իրավիճակի և ժամանակին բնորոշ ռիսկերի մասին: Մենք պատրաստ ենք ուրախ կլինենք, ցանկության դեպքում օգնել մեր հաճախորդներին կազմել/կառուցել իրենց բիզնեսին համապատասխանող արտարժութային ռազմավարությունը:
Այսօրվա գործարարների համար անհրաժեշտություն է համաշխարհային տնտեսության միտումներին ուշի-ուշով հետևելը, և թե ինչ լուծումներ կարող են առաջարկել ֆինանսական հաստատություններն՝ օգնելու իրենց հաճախորդներին ռիսկերի կառավարման գործում:»
Արտարժութային ֆորվարդ՝ գործարքի պայմաններ
Արտարժութային ֆորվարդային պայմանագիրը երկու կողմերի միջև կնքվող պայմանագիր է համաձայն, որի կողմերը պարտավորվում են`
Գնել կամ վաճառել պայմանագրով ֆիքսված գումար
- Նախապես ֆիքսված ամսաթվին
- Նախապես պայմանավորված փոխարժեքով
Ֆորվարդ պայմանագրի գինը գոյանում է գործարքի կատարման պահի դրությամբ սփոթ փոխարժեքի և երկու արժույթների տոկոսադրույքների մակարդակների փոխհարաբերության ճշգրտման հիման վրա:
Ֆորվարդի փոխարժեքը ոչ կանխատեսում է և ոչ էլ վճար
Արժութային խումբ – USD, EUR, GBP, RUB, CHF, CAD, AUD, AED, CNY, JPY
Գործարքի նվազագույն ծավալ – 5,000 USD (կամ համարժեք)
Ժամկետայնություն – մինչև 12 ամիս
Ձևակերպման վճար – առանց ձևակերպման վճարի
Պայմանագիր
Էյչ-Էս-Բի-Սի –ն Հայաստանում
Բանկը հիմնադրվել է 1996թ-ին՝ որպես փակ բաժնետիրական ընկերություն «Midland Armenia Bank» ԲԸ անվանումով: 1999թ-ին վերանվանվել է «Էյչ-Էս-Բի-Սի Բանկ Հայաստան» ՓԲԸ-ի: Բանկը համատեղ ձեռնարկություն է, որի 70%-ը պատկանում է HSBC Խմբին, իսկ 30%-ը` արտերկրի հայ գործարարներին: Էյչ-Էս-Բի-Սի Հայաստանը սպասարկում է շուրջ 36,000 հաճախորդի Երևան քաղաքում գտնվող իր ինը գրասենյակների և մոտ 380 աշխատակիցների միջոցով: 2015 թ-ի դեկտեմբերի 31-ի դրությամբ բանկի ակտիվները կազմել են 275,405,777,000 ՀՀ դրամ: Բանկը հանդիսանում է Հայաստանի արտարժույթի շուկայի առաջատարներից մեկը:
Հարցումների դեպքում դիմել Մարիամ Ադամյանին հեռախոս՝ + 374 060 65 5088, էլ. Փոստ՝ [email protected]
