«Մարդու դեմքին նայեք՝ ամեն ինչ գրված է: Նայեք Սուրեն Խաչատրյանի դեմքին, այնտեղ որևէ կարգին բառ չեք կարող գտնել»,- այսօր լրագրողների հետ հանդիպմանը ասաց Երևանի Հովհ. Թումանյանի անվան տիկնիկային թատրոնի գեղարվեստական ղեկավար Ռուբեն Բաբայանը:
Երգիչ-երգահան Վահան Արծրունին նշեց, որ անկախության քսան տարիներին ականատես եղանք իշխելու տարբեր դրսևորումների ՝ Լևոն Տեր-Պետրոսյան, Ռոբերտ Քոչարյան և հիմա:
Իսկ իշխանությունը ի զորո՞ւ է պայքարել ինքն իր դեմ՝ հարցին նա պատասխանեց. «Ոչ, քանի որ կառավարման կրիզիս է»:
Ռուբեն Բաբայանը այն կարծիքին է, որ յուրաքանչյուր բուրգում բանականության տիրապետող որևէ մեկը պետք է լինի: Ըստ նրա՝ իշխանություն պահելը շատ հեշտ գործ է. իշխանություն են ունենում, որ ունենան փող, փող են ունենում, որ պահեն իշխանություն:
«Աենակարևոր բացն այն է, որ մենք մեզ չենք զգում այս երկրի տերը»,- ասաց Ռուբեն Բաբայանը:
«Եթե նորմալ երկիր լիներ, նորմալ պրոցես, պետք է հենց այսօր ձերբակալվեր Սուրեն Խաչատրյանը, քանի որ նրա տան մոտ է տեղի ունեցել, իր տանն են զենք հայտնաբերել, իր որդին է արել: Եթե սա չի իրականացվում, որպես մարզպետ, որը հիմա քնած է և հանգստանում է, իրավունք ունի ազդելու քննչական գործընթացի վրա: Եթե նրան բանտում չեն քնեցնում, ուրեմն ուզում են նրան պլստացնել»,- ասաց նա:
Ինչո՞ւ Սուրեն Խաչատրյանին պարգևատրեցին, երբ այդքան մեծ հանրային դժգոհություն կար՝ հարցին Վահան Արծրունին պատասխանեց. «Պարգևատրել են նրա համար, որ հանրությունըւ հասկանա՝ իրենց դեմ խաղ չկա: Բոլոր պարգևատրումները, մեդալներն ու վերաբաշխումները իրականում «իշմարներ» են՝ ուղղված հանրությանը»: