Meydan TV-ն շարունակում է ներկայացնել Ղարաբաղյան հակամարտության գոտում ապրիլի 1-5-ին Ադրբեջանի զինված ուժերի կորուստների մասին ցուցակի թարմացումը։
Պաշտպանության նախարարությունը հայտնել է, որ այդ օրերին ադրբեջանական բանակը տվել է 31 սպանված, որոնցից 12-ը սպանվել են ապրիլի 2-ին, 3-ը՝ ապրիլի 3-ին, 16-ը՝ ապրիլի 4-ին ու 5-ին։
Meydan TV-ն հայտնում է, որ Ադրբեջանի զինված ուժերի կորուստներն արդեն իսկ հասել են 87 սպանվածի։ Բացի այդ, ևս 6 զինծառայող համարվում է անհետ կորած։ Լրատվամիջոցը ներկայացրել է սպանված զինծառայողների մասին մանրամասն տվյալներ՝ նրանց անուն-ազգանունները, ծննդյան թվերը, սպանվելու ժամկետներն ու վայրերը, նրանց կոչումները։
Լրատվամիջոցն ընդգծում է, որ սպանվածների ցուցակը թարմացվում է։
