Քենթերբերյան արքեպիսկոպոս Ջասթին Ուելբին հայտարարել է, որ շատ զարմացած է իր ԴՆԹ թեստի արդյունքներից, ինչը պարզել է նրա իսկական հոր ինքնությունը:
Պարզվել է, որ նրա հայրը բրիտանացի դիվանագետ սըր Էնթոնի Մոնթեգյու Բրաունին է, ով եղել է Ոինսթոն Չերչիլի անձնական քարտուղարը քաղաքական գործչի կյանքի վերջին 10 տարիների ընթացքում:
Մինչև վերջերս Անգլիկան եկեղեցու հոգևոր ղեկավարը ենթադրում էր, որ իր իսկական հայրը եղել է վիսկիի առևտրական Գևին Ուելբին:
Ինչպես հայտնում է Daily Telegraph պարբերականը, արքեպիսկոպոսը որոշել է ԴՆԹ թեստ անցկացնել այն բանից հետո, երբ պարբերականի լրագրողները դիմել են նրան նրա ընտանեկան պատմության սեփական հետազոտության արդյունքներով:
Ուելբիի մայրը հաստատել է, որ ամուսնությունից առաջ՝ 1955 թվականին կապ է ունեցել Բրաունիի հետ: Նա խոստովանել է, որ այն օրերին ալկոհոլի մեծ քանակության ազդեցության տակ ինքն անկողին է մտել Էնթոնի Մոնտեգյու Բրաունի հետ, որի արդյունքում ծնվել է նրա հիանալի որդին:
