Պորտուգալացի մասնագետ Ժոզե Մոուրինյոյի գործակալ Ժորժե Մենդեշը հանդիպել է «Մանչեսթեր Յունայթեդ»-ի գործադիր տնօրեն Էդ Վուդվորդի հետ։ Այս մասին գրում է Manchester Evening News-ը։
Մոուրինյոյի գործակալը ցանկացել է ճշտել՝ ուժի մե՞ջ է արդյոք ակումբի և մասնագետի նախնական պայմանավորվածությունը, ըստ որի՝ ընթացիկ մրցաշրջանի ավարտից հետո մարզիչը գլխավորելու է մանչեսթերյան ակումբը։
Հոլանդական De Telegraaf պարբերականը տեղեկություններ տարածեց, որ «Յունայթեդ»-ը պատրաստվում է Լուի վան Գալին 100 մլն եվրո հատկացնել կազմի համալրման համար, իսկ վերջինս մերժել է Հոլանդիայի ֆուտբոլի միության առաջարկը՝ ստանձնել հավաքականի տեխնիկական տնօրենի պաշտոնը։
