«Ադրբեջանի նման ավտորիտար ռեժիմները, երբ որ խնդիրներ են ունենում, դիմում են արտաքին թշնամու կերպարի ստղծմանը և, որպես արդյունք, դիմում են պատերազմական գործողությունների: Այս մասին «Առաջին լրատվական»- ի հետ զրույցում նշեց Իտալիայում ՀՀ նախկին դեսպան Ռուբեն Կարապետյանը:
Ադրբեջանի այս արկածախնդրության մեջ Ռ. Կարապետյանը տեսնում է և՛ ներքին դրդապատճառներ, և՛ Ադրբեջանի համար արտաքին աշխարհի «բարենպաստ պայմաններ». առաջին՝ ԱՄՆ-ում, ըստ երևույթին, Ալիևը փորձում էր առևտրի մեջ մտնել, բայց չհաջողվեց, երկրորդ՝ սա տեղի է ունենում ռուս-թուրքական առճակատման պայմաններում: Այս հյուծիչ պատերազմը, որ մեզ պարտադրվել է 94թ.-ից, նոր բան չէ, և դա ընդգրկում է բոլոր ոլորտները, և հաղթում են նրանք, ովքեր կարողանում են «սառեցված» պատերազմի պայմաներում զարգացնել իրենց պետականությունը, արդիականացնել բանակը, բացել տնտեսությունը, զարգացնել այն ամենը, ինչը որ պետք է, որպեսզի գաս հասնես բանակցային սեղան ի մոտ՝ ուժեղ, հզոր և պատրաստ: Երրորդն այն հանգամանքն է, որ Ադրբեջանը մտածում է՝ հարմար պահն է. սա փորձ է՝ ստուգելու մեր պատրաստականությունը:
«Թնդանոթները լռում են, երբ դիվանագետներն են խոսում, այսօր դիվանագետները չեն խոսում, ուրեմն թնդանոթներն են խոսում»,- նշեց Ռուբեն Կարապետյանը:
Նրա գնահատմամբ՝ մեր նահանջը, մեր դիվանագիտական սխալները սկսվեցին այն ժամանակ, երբ ԼՂ-ն դուրս մնաց բանակցային գործընթացից, սկսեց չդիտարկվել որպես գործոն: Երկրորդ ամենակարևոր հարցն այն է, որ այս տարիների ընթացքում Հայաստանի և Ադրբեջանի միջև հավասարության նշանը չհաջողվեց փոխել:
Մանրամասները՝ տեսանյութում:
