«Այն, ինչ որ հիմա կատարվում է, դա հայ-ադրբեջանական կոնտեքստում չէ, տարածաշրջանի գլոբալ գործընթացների կոնտեքստում է գտնվում: Զարմանալի է, որ Իլհամ Ալիևին կարողացան համոզել, որ նա գնա այս արկածախնդրությանը, քանի որ նա շատ զգուշավոր է և Էրդողանին նման չէ: Վերջին շրջանում նրան փորձում էին դրդել, որ մաս կազմի որոշակի գործողությունների՝ խոստանալով հազար ու մի բաներ, միգուցեև հնչեցնելով սպառնալիքներ: Այս մասին «Առաջին լրատվական»- ի հետ զրույցում նշեց «Ղարաբաղ» կոմիտեի անդամ Աշոտ Մանուչարյանը:
Նրա գնահատմամբ՝ ակնհայտ է, որ ադրբեջանական այս գործողության մեջ առկա է Թուրքիայի մասնակցությունը. «Իսլամական տարրերը վերջին ամիսներին ներմուծվել են Ադրբեջան, մասսայական ներմուծումներ են եղել մասնավորապես Նախիջևան, և այս օրերին դա շարունակվում է, և նրանց մասնակցությունն են գրանցում մեր ռազմական կառույցները հատկապես հիմնական՝ հարավային ուղղությամբ կատարվող գործողություններում:
Ա. Մանուչարյանի կարծիքով՝ այսպիսի գործողությունը չի կարող երկար տևել.«Չմոռանանք՝ Իրանը և Ռուսաստանը մտնում են հակաիսլամական կոալիցիայի մեջ, մյուս կողմից կա Ռուսաստան-ԱՄՆ համագործակցություն այդ ուղղությամբ: Այս արկածախնդրությունը, ըստ ամենայնի լինելու է լոկալ: Հանգուցալուծումը կլինի կարճ ժամանակում»:
Մանրամասները՝ տեսանյութում:
