Միջազգային իրավապաշտպան Amnesty International կազմակերպությունը իր զեկույցում հայտնել է Թուրքիայի տարածքից սիրիացի փախստականների զանգվածային արտաքսման մասին։
Կազմակերպության տվյալներով՝ Թուրքիայից օրական արտաքսվում է մինչև 100 փախստական։ Եվրոպայի և Կենտրոնական Ասիայի հարցերով Amnesty International-ի ստորաբաժանման ղեկավար Ջոն Դալհայսենը նշել է, որ 7-9 շաբաթում հարկադրաբար Սիրիա է վերադարձվել մի քանի հազար մարդ։
Նշվում է, որ դա հակասում է ինչպես իրավական նորմերին, այնպես էլ ներգաղթյալների հարցով ԵՄ-Թուրքիա համաձայնագրի պայմաններին, որում պետությունը նշվել է որպես փախստականների համար անվտանգության գոտի։
Երեկ The Times-ը՝ հղում անելով իր աղբյուրներին, գրել էր թուրք սահմանապահների կողմից Սիրիայից 16 փախստականների գնդակահարման մասին։ Իր հերթին Թուրքիան հերքել էր՝ նշելով, որ երկիրն ընդունել է ավելի քան 2.7 մլն սիրիացի փախստականի, ուստի մեղադրանքներն անբարո են։
