Նախագահ Պյոտր Պորոշենկոն 6-րդ տեղն է զբաղեցրել «Ուկրաինայի թոփ-100 ամենահարուստ մարդկանց» ցուցակում «Ֆորբս Ուկրաինա» ամսագրի վարկածով:
Պարբերականը նշում է, որ Ուկրաինայի նախագահի կարողությունը գնահատվում է 858 մլն դոլար:
«Ուկրաինայի նախագահ Պյոտր Պորոշենկոյի կարողությունը գնահատվում է 858 մլն դոլար: Վերջին 1 տարում այն աճել է 100 մլն դոլարով»,- գրում է ամսագիրը:
Ուկրաինայի ամենահարուստների ցուցակում առաջատարն ուկրաինացի օլիգարխ Ռինատ Ահմետովն է: «Նրա ունեցվածքը գնահատվում է 2,3 մլրդ դոլար՝ վերջին տարում նվազելով 4,6 մլրդ դոլարով»,- նշում է ամսագիրը:
Օլիգարխ Իգոր Կոլոմոյսկին 1,3 մլրդ դոլար կարողությամբ երկրորդ տեղում է:
Երրորդ տեղում «Պրիվատ» խմբի համասեփականատեր Գենադի Բոգոլյուբովն է, որը պահպանել է իր 1,3 մլրդ դոլար կարողությունը:
Չորրորդ տեղում օլիգարխ Վիկտոր Պինչուկն է՝ 1,2 մլրդ դոլար ունեցվածքով:
«Միրոնովսկի խլեբոպրոդուկտ» ընկերության տեր Յուրի Կոսյուկը եզրափակել է ուկրաինացի ամենահարուստների հնգյակը:
