Վճարումների Visa ամերիկյան համակարգը 2010-2011 ֆինանսական տարվա առաջին կիսամյակում ապահովել է մաքուր եկամուտի 19.5% աճ` հասցնելով այն 1.765 մլրդ դոլարի: Մեկ տարի առաջ այդ ցուցանիշը կազմել է 1.476 մլրդ դոլար: Օպերացիոն շահույթը կազմել է 2.749 մլրդ դոլար, ինչը 17.5%-ով ավելի է նախորդ տարվա նույն ժամանակահատվածի համեմատ՝ 2.339 մլրդ:
Ընթացիկ ֆինանսական տարվա երկրորդ եռամսյակի տվյալներով, Visa-ի մաքուր շահույթը կազմել է 881 մլն դոլար: Դա 23.5%-ով ավելի է նախորդ տարվա նույն ցուցանիշից: Այս մասին հաղորդում է RBC-ն:
Հիշեցնենք, որ Visa Inc. Ամերիկյան ընկերությունն առաջարկում է վճարային օպերացիաների ծառայություններ: Նրա կրեդիտ քարտերն ընդունվում են աշխարհի 150 երկրներում:
