Իրանի միջուկային ծրագրի հարցը քաղաքականացված է: Ինչպես հաղորդում է Press TV-ն, այս մասին հայտարարել է Իրանի նախագահի թեկնածու Մուհամադ Ղարազին:
«Ես Իրանի ատոմային էներգիայի խնդիրը տեխնիկական չեմ համարում: Ես կարծում եմ, որ այն քաղաքականացվել է: Մենք ոչ մի հակաօրինական բան չենք արել»,- ասել է Ղարազին:
Նրա խոսքով՝ Իրանն իրեն թույլ չի տա ստեղծել ատոմային ռումբ՝ ելնելով կրոնական տեսանկյունից և համապատասխան սովորական կանոնների:
«Մենք կարող ենք հասնել այդ հնարավորությանը, սական չենք կարծում, որ դա օգտակար է, և երբեք հետամուտ չենք լինի այդ գործին»,- հավելել է նախագահի թեկնածուն:
Ղարազիի խոսքերով՝ Վաշինգտոնը ձգտում է ճնշում գործադրել Իրանի վրա՝ հաշվի առնելով Թեհրանի ազդեցությունը տարածաշրջանային գործընթացների նկատմամբ:
Հիշեցնենք, որ Իրանի 11-րդ նախագահական ընտրությունները տեղի կունենան հունիսի 14-ին:
