Հայաստանի արտաքին գործերի առաջին նախարար Րաֆֆի Հովհաննիսյանը Վաշինգթոնում, աշխարհահռչակ Ատլանտյան խորհրդում ներկայացրել է Հայաստանի արդի քաղաքական լանդշաֆտը:
«Լայն ներկայացվածություն ունեցող Խորհրդում, որը վարում էր դեսպան Ջոն Հերբսթը, Հովհաննիսյանը մարտի 29-ին, ամերիկացի որոշում կայացնողներին եւ ռազմավարական վերլուծաբաններին ներկայացրել է Հայաստանի արդի քաղաքական լանդշաֆտը՝ իր ժողովրդավարական թերություններով ու արտաքին քաղաքական մարտահրավերներով: Նա շարունակելու է վաշինգթոնյան շփումները՝ Պետդեպարտամենտում կայանալիք բարձր մակարդակի հանդիպումներով:
Րաֆֆի Հովհաննիսյանը ներկայումս «Ժառանգություն» կուսակցության նախագահն է, «Նոր Հայաստան» ճակատի խորհրդի անդամն ու Ռազմավարական եւ ազգային հետազոտությունների հայկական կենտրոնի հիմնադիր տնօրենը»,-նշված է «Ժառանգության» տարածված հաղորդագրությունում: