Ֆրանսիացի հայտնի պատմաբան, գրող և հեռուստահաղորդավար Ալեն Դեկոն մահացել է 90 տարեկան հասակում, հայտնում է Le Figaro-ն:
Դեկոն ծնվել է 1925 թվականի հուլիսի 23-ին Ֆրանսիայի հյուսիսային Լիլ քաղաքում: Իրավաբանական դպրոցում նրա մոտ մեծ ցանկություն է առաջացել պատմություն ուսումնասիրելու, որի պատճառով էլ հաճախել է Սորբոնի պատմության գծով հատուկ կուրսերին: 1946 թվականին նա սկսել է հրապարակել պատմության մասին հոդվածներ և գրքեր: Դեկոն 40 գրքի հեղինակ է:
Սակայն ֆրանսիացիների մեծամասնությանը նա հայտնի է դարձել ռադիոհաղորդումների շնորհիվ, իսկ ավելի ուշ` հեռուստատեսության: Իր հաղորդումներում նա պատմել է պատմական իրադարձությունների մասին:
