«Մենք այսօր չունենք հստակ ձևակերպված ճանապարհ, ըստ որի` «ա» կետից կարող ենք գնալ «բ» կետ: Մենք շրջապտույտի մեջ ենք, ցավոք սրտի, թե՛ քաղաքական, թե՛ տնտեսական առումով: Այսինքն` ՀՀ-ն գտնվում է ոչ թե ուղեգծում, այլ ուղեծրում, այսինքն` պտտվում է անընդհատ ինչ-որ մի բանի շուրջ, ինչը վտանգավոր է մեր երկրի համար»: Այս մասին այսօրվա ասուլիսում բարձրաձայնեց ՄԱԿ նախագահ Գուրգեն Արսենյանը: Բոստանջյանը հակադարձեց. «Ես, բնականաբար, չեմ գնահատում այնպես, ինչպես կուզենայի կամ մտածում եմ, և դա այնքան օբյեկտիվ ու բնական բան է: Կոալիցիոն ներկայացուցիչ լինելով հանդերձ` ես չեմ կարող ասել լավ է, շատ լավ է: Բայց կառավարությունը աշխատում է այնքան, ինչքան կարող է»: Գուրգեն Արսենյանին այնքան դուր եկավ վերջին միտքը, որ նա շտապեց սեղմել բանախոսի ձեռքը: Թեև հանդիպելիս ձեռքով չէր բարևել:
