Սպիտակ տան ներկայացուցիչ Ջոշ Էռնեստը հայտարարել է, որ ԱՄՆ նախագահ Բարաք Օբաման չէր ցանկացել քննադատական լինել Մեծ Բրիտանիայի վարչապետ Դևիդ Քեմերոնի նկատմամբ Լիբիայում նրա քաղաքականության պատճառով, հայտնում է Reuters-ը:
Atlantic պարբերականին տված հարցազրույցում Օբաման ասել է, որ մի քանի եվրոպական դաշնակիցներ պասիվացել են այն քաոսի նկատմամբ, որը տեղի է ունենում Լիբիայում: Նա նաև նշել է, որ Քեմերոնը սկսել է «զբաղվել մի շարք այլ բաներով»:
Էռնեստը ավելացրել է, որ Միացյալ Նահանգները «բարձր է գնահատում հատուկ հարաբերությունները» Մեծ Բրիտանիայի հետ և կիսում է դժվար իրավիճակի լուծման պատասխանատվությունը, որը ներկայումս կա Լիբիայում:
