Եվրոպա ժամանող միգրանտների հետ կապված ներկայիս ճգնաժամը կարող է վերաճել հումանիտար աղետի: RIA Novosti-ի հաղորդմամբ՝ այս մասին հայտարարել է ԵՄ միգրացիայի և քաղաքացիության հարցերով եվրահանձնակատար Դիմիտրիս Ավրամոպուլոսը:
«Հումանիտար ճգնաժամը կարող է հումանիտար աղետ դառնալ: Մենք կշարունակենք աշխատանքն անցած շաբաթ գրանցված առաջընթացի ուղղությամբ: Մենք պետք է հասնենք թվով ավելի շատ վերաբնակեցումների տեղերում: Եթե ուզում ենք կանգնեցնել միգրացիայի անօրինական և մահացու հետևի դուռը, պետք է օրինական պատուհան բացել, հակառակ դեպքում՝ միգրանտներն այլ ճանապարհներ կփնտրեն»,- ասել է Ավրամոպուլոսը միգրացիայի հարցով ԵՄ նախարարների հանդիպումից առաջ:
Այսօր Բրյուսելում տեղի կունենա ԵՄ անդամ-երկրների ՆԳՆ ղեկավարների նիստը: Օրակարգում միգրացիոն ճգնաժամի կարգավորումն է:
