Վահան Բաբայանը չի կիսում ԲՀԿ-ի քաղաքական տեսակետները, որի պատճառով կլքի ԲՀԿ կուսակցությունը: Իսկ Միքայել Մելքումյանը հայտարարել է, որ որևէ մեկը թող չերազի, թե ինքը լքելու է ԲՀԿ-ն: Այս մասին «Առաջին լրատվական»-ի հետ զրույցում նշեց ԲՀԿ առաջնորդ Նաիրա Զոհրաբյանը:
ԲՀԿ-ում ինքնամաքրման, ինքնազտման գործընթացը շարունակվում է. «Սա շատ նորմալ, առողջ գործընթաց եմ համարում կուսակցության համար, որովհետև առջևում 2017-ի ընտրություններն են, և բոլոր այն մարդիկ, ովքեր համաձայն չեն կուսակցության քաղաքական գծի հետ, նրանք միևնույն է, վաղ թե ուշ հեռանալու են, և ինչքան շուտ լինի այդ հստակ ջրբաժանը, այնքան ավելի լավ կկարողանա կուսակցությունը որպես մեկ միասնական գաղափարական թիմ, մեկ միասնական քաղաքական օրակարգով շարժվել առաջ»:
Նաիրա Զոհրաբյանը նշեց, որ «դավադրությունների տեսության, ԲՀԿ-ի, իր անձի շուրջ ինտրիգներ հրահրող» պատգամավորն այսօր մնացել է մենակ:
Նա նաև տեղեկացրեց, որ մարտի 1-ից ԲՀԿ-ի ֆինանսավորումը ևս անցնելու է իր ձեռքը:
Մանրամասները՝ տեսանյութում:
