Հինգշաբթի թուրքական չորս կործանիչներ ներխուժել են Հունաստանի օդային տարածք, որտեղ գտնվել են 40 րոպե: Այս մասին հաղորդում է RIA Novosti-ն՝ վկայակոչելով Հունաստանի Ազգային պաշտպանության գլխավոր շտաբը:
«Երկու RF-4 և երկու F-16 թուրքական չորս կործանիչները մտել են Աթենքի թռիչքների պատասխանատվության գոտի Հարավային Սամոս շրջանում»,- ասվում է հաղորդագրության մեջ:
Զինվորականների փոխանցմամբ՝ թուրքական ինքնաթիռների տվյալները որոշվել են միջազգայյին չափանիշներին և պրակտիկային համապատասխան:
Հունաստանը պարբերաբար մեղադրում է Թուրքիային երկրի օդային և ծովային տարածքը խախտելու համար, սակայն այս անգամ թուրքական ինքնաթիռները օդային տարածքում մնացել են 40 րոպե: Երկու երկրների միջև տարաձայնություն կա ՝ կապված Էգեյան ծովի սահմանազատման հետ:
