Brent տեսակի նավթի միջին գինը կկազմի 34 դոլար մեկ բարելի դիմաց 2016 թ. և 40 դոլար մեկ բարելի դիմաց 2017 թ.: Այս մասին հայտնում է Trend-ը՝ հղում անելով ԱՄՆ էներգետիկայի նախարարության էներգետիկ տեղեկատվության վարչության (EIA) կանխատեսմանը, որը հրապարակվել է էներգետիկ շուկայի մարտյան կարճաժամկետ ակնարկում:
Այդ ցուցանիշերը համապատասխանբար 3 և 10 դոլարով ցածր են EIA նախորդ կանխատեսումներից:
EIA-ն WTI տեսակի նավթի գների համար անում է նույն կանխատեսումները, ինչ Brent-ի դեպքում ինչպես 2016 թ., այնպես էլ՝ 2017 թ. դեպքում:
Նավթի համաշխարհային գները չորեքշաբթի դրական դինամիկա են ցուցաբերում ԱՄՆ-ում նավթի արտադրության կրճատման միտումի շարունակվելու հետ կապված ներդրողների սպասումների ֆոնին:
Չորեքշաբթի առավոտյան Brent տեսակի նավթի մայիսյան մատակարարումների ֆյուչերսային գործարքների գինն աճել է 0,43%-ով՝ մինչև 39,82 դոլար մեկ բարելի դիմաց, WTI նավթի ապրիլյան ֆյուչերսների գներն աճել են 0,52%-ով՝ մինչև 36,69 դոլար մեկ բարելի դիմաց:
