Joinfo.ua-ի փոխանցմամբ՝ նոթբուքների համար սելֆիի ձողերն արդեն իրականություն են։ Զբոսաշրջիկները գնալով ավելի շատ են օգտագործում սելֆիի ձողեր։ Սակայն երբեմն խնդիրներ են ծագել, երբ նրանց հետ եղել է միայն նոթբուքը, իսկ սմարթֆոնը բացակայել է։
Հայտնի է, որ սելֆիի ձողերը մինչ այս նախատեսված էին սմարթֆոնների և հազվադեպ դեպքերում՝ պլանշետների համար։ Սակայն ամերիկացի նկարիչներ Ջաոն Ային և Թոմ Գալը որոշել են ստեղծել սելֆիի այնպիսի ձող, որը նախատեսված կլինի նոթբուքի համար։
Տվյալ իրավիճակում ամենաշահեկան դիրքերում հայտնվել է Apple MacBook-ը, որով յուրաքանչյուր ոք կարող է սելֆի անել։ Նոր սարքը ստացել է «MacBook սելֆի Սթիք» անվանումը, այն արդեն իսկ փորձարկվել է Նյու Յորքի փողոցներում։ Քիչ հավանական է համարվում, որ կսկսվի դրա զանգվածային արտադրություն։
