Lenta.ru-ի փոխանցմամբ՝ ֆրանսիական Bugatti ավտոմեքենաշինական ընկերությունը ներկայացրել է աշխարհի ամենաարագ հիպերմեքենան՝ Chiron-ը, որի պաշտոնական շնորհանդեսը տեղի է ունեցել Ժնևի միջազգային ավտոսրահում։
Ավտոմեքենան կարող է զարգացնել մինչև 420 կմ/ժամ արագություն։ Այն ունի 8 լիտր ծավալով W16 շարժիչ, որի հզորությունը կազմում է 1500 ձիաուժ։ Մեքենայի վրա գործում է արագությունը սահմանափակող սարք, և սովորական ռեժիմով այն կարող է ընթանալ մինչև 380 կմ/ժամ արագությամբ։
Դրանից ավելի մեծ արագություն զարգացնելու համար անհրաժեշտ է ակտիվացնել հատուկ բանալին, որով գործի է դրվում աշխատանքային հատուկ ռեժիմ։ Արտադրողը մտադիր է թողարկել այդպիսի ընդամենը 500 մեքենա։ Վաճառքը Եվրոպայում կսկսվի աշնանը։ Ավտոմեքենան արժե 2.4 միլիոն եվրո։
