ՀՀԿ խմբակցության ղեկավար Վահրամ Բաղդասարյանը երեկ «Առաջին լրատվական»-ի հետ զրույցում անդրադառնալով ՀՀԿ խմբակցության պատգամավոր Մհեր Սեդրակյանի և լրագրողների միջև հերթական անգամ տեղի ունեցած միջադեպին՝ նշել էր, որ Մհեր Սեդրակյանին զրույց է հրավիրել:
Այսօր զրույցից հետո լրագրողի հարցին՝ Դուք պատրա՞ստ եք ներողություն խնդրել, Մհեր Սեդրակյանը պատասխանեց. «Բայց ինչի՞ համար: Լավ կնայեք վիդեոն»:
Վահրամ Բաղդասարյանը լրագրողների հետ զրույցում նշեց. «Ինձ թվում է, որ դա ուղղակի եղել է բորբոքվածություն: Նման հայհոյանք, բան, ինքը ժխտում է, որ եղել է: Ինձ թվում է նման միջադեպերը մենք պետք է կանխենք:
Նա նաև նշեց, որ դիտել է տեսանյութը, վիրավորական ոչինչ չի լսել և կոչ արեց, որ լրագրողները նույնպես մի քիչ զգոն լինեն:
Մանրամասները՝ տեսանյութում:
