Հայտնի երգչուհի Ռիհաննան պատրաստվում է 5 մլն դոլարի դատական հայց ներկայացնել Topshop նորաձև ապրանքանիշի դեմ, որն առանց թույլտվության օգտագործել է իր նկարը մարզաշապիկներից մեկի վրա, գրում է New York Post-ը՝ հղում կատարելով Ռիհաննային մոտ կանգնած աղբյուրին:
Հաղորդվում է, որ բրիտանական Topshop ընկերությունը առանց երգչուհու թույլտվության վաճառել է շապիկներ, որոնց վրա առկա է եղել Ռիհաննայի լուսանկարը We found love երգի տեսահոլովակից:
Ռիհաննան 8 ամիս փորձել է համաձայնության գալ ընկերության սեփականատերերի՝ Arcadia խմբի հետ՝ իր իրավունքների վերականգնման հարցում, սակայն նրան առաջարկել են ընդամենը 5 հազար դոլար փոխհատուցում:
Ռիհաննան ի վերջո վարձել է փաստաբանների, որոնց ծառայության վրա ծախսել է մոտ 1 մլն դոլար: Ինչպես նշում է պարբերականը, երգչուհու համար դա դարձել է «սկզբունքի հարց»:
Topshop-ի ներկայացուցիչները դեռ չեն մեկնաբանել իրավիճակը:
