Շվեդիայի Մալմյո քաղաքում այսօր կկայանա «Եվրատեսիլ-2013» երգի մրցույթի եզրափակիչ փուլը: Հայաստանը ներկայացնող «Դորիանսը» հանդես կգա 12 համարի ներքո:
Եզրափակչում բեմ կբարձրանա 26 մասնակից՝ Ֆրանսիայից, Լիտվայից, Մոլդովայից, Ֆինլանդիայից, Իսպանիայից, Բելգիայից, Էստոնիայից, Բելառուսից, Մալթայից, Ռուսաստանից, Գերմանիայից, Հայաստանից, Նիդերլանդներից, Ռումինիայից, Մեծ Բրիտանիայից, Շվեդիայից, Հունգարիայից, Դանիայից, Իսլանդիայից, Ադրբեջանից, Հունաստանից, Ուկրաինայից, Իտալիայից, Նորվեգիայից, Վրաստանից ու Իռլանդիայից:
Մրցույթի հաղթողը կնվաճի իր երկրում «Եվրատեսիլ-2014»-ի անցկացման իրավունքը: Անցած տարի Բաքվում կայացած մրցույթում հաղթել է շվեդ երգչուհի Լորինը:
Մալմյո քաղաքում «Եվրատեսիլն» անցկացվել է նաև 1992 թվականին, իսկ Շվեդիայիում այս հեղինակավոր երգի մրցույթն անցկացվում է 5-րդ անգամ:
«Եվրատեսիլ» երգի մրցույթն անցկացվում է 58-րդ անգամ: «Մալմյո արենայում» ընթացող մրցույթին այս տարի մասնակցում է 39 երկիր:
