Թուրքական Takvim թերթի փոխանցմամբ՝ Թուրքիայի զինված ուժերն առաջին անգամ հրթի ռակոծել են Սիրիայի քրդերի «Դեմոկրատական միություն» կուսակցության (PYD) ռազմական թև YPG-ի (Ժողովրդական ինքնապաշտպանության ջոկատներ) դիրքերը։
Ընդգծվում է, որ մինչ այս Թուրքիայի զինված ուժերը Սիրիայի հյուսիսում գտնվող YPG-ի դիրքերին հարվածում էին «Ֆըրթընա» (թարգմանաբար՝ «Փոթորիկ») տիպի հաուբիցներով, ընդ որում՝ հարվածները հասցվում էին Սիրիային սահմանակից Քիլիս նահանգից։ Այդ հաուբիցների կրակոցների հեռահարությունը կազմում է 40 կիլոմետր։
Սակայն Թուրքիայի զինված ուժերն առաջին անգամ YPG-ին հարվածել են հակաօդային պաշտպանության համակարգերով, որոնց անունը չի հիշատակվում։ Փոխարենը հաղորդվում է, որ հարվածները հասցվել են արդեն Հաթայ նահանգի Քըրըքհան շրջանից։ Դրանց թիրախում գտնվել են Թուրքիայի սահմանից 7 կիլոմետր հեռավորության վրա ընկած Ազեզ քաղաքի շրջանում YPG-ի դիրքերը։
