Համացանցում է հայտնվել Լարս ֆոն Թրիերի «Նիմֆոմանկա» ֆիլմի փրոմո-լուսանկարը, որը պաշտոնապես հրապարակվել է ֆիլմի պաշտոնական կայքում:
Լուսանկարում ներկա են ֆիլմում ներգրավված շատ դերասաններ՝ ներառյալ Շառլոտ Գինսբուրը, Ուիլեմ Դեֆոն, Ումա Թուրմանը, Ստելլա Սքարսգարդը, Շայա Լաբեֆը, Քրիստին Սլեյթերն ու Ջեյմի Բելը:
Բացի այդ՝ աջից հնարավոր է տեսնել հենց Թրիերին՝ փակ բերանով, որը դերասանական ամբողջ խմբին նկարում է բջջային հեռախոսով:
Ֆոն Թրիերի նոր ֆիլմի գլխավոր հերոսուհին նիմֆոմանկա Ջոն է (Գենսբուր):
Սյուժեի համաձայն՝ ֆիլմը հիմնված է Ջոյի հիշողությունների վրա: Նա պատմում է իր կյանքի պատմությունը՝ իրեն փողոցում գտած տղամարդուն (Սքարթսգարդ): Ֆիլմում շատ են սեքսուալ տեսարանները:
Ֆիլմի նկարահանումները տեղի են ունեցել 2012թ. օգոստոս-նոյեմբեր ամիսներին՝ Գերմանիայում և Բրազիլիայում: Ռեժիսորը նախապատրաստել է ֆիլմի 2 տարբերակ: Առաջինը նախատեսված է վարձույթի համար, երկրորդում տեսարաններն ավելի բաց կլինեն:
Ֆիլմը վարձույթ դուրս կգա 2013թ. մայիսից-նոյեմբեր ընկած ժամանակահատվածում, իսկ պրեմիերան կարող է կայանալ Կաննի կինոփառատոնին:
