Ռուսաստանի ամենախոշոր նավթային ընկերությունների մեկի՝ Lukoil-ի թոփ-մենեջերներից մեկի դստերը, որին առևանգել էին մարտի վերջին, հայտնաբերել են մահացած մերձմոսկովյան շրջաններից մեկում: Այս մասին հաղորդում է RIA-Novosti գործակալությունը:
«Աղջկան պատահաբար հայտնաբերել են Տալդոմայի մոտ ճամփեզրին՝ երբ ձյունը հալվել է»,- գործակալությանը հաղորդել են իրավապահ մարմինները:
Ղազախստանում Lukoil ընկերության համատեղ ձեռնարկության` «Արման»-ի տնօրեն Ռոբերտ Տեսլյուկի դուստրն անհետացել էր մարտի 29-ին: Աղջիկը պետք է գնար կրկնուսույցի մոտ, սակայն, տնից դուրս գալով առավոտյան ժամը 7:15-ին, այդպես էլ ուսուցչի մոտ չի հասել: