Վանո Սիրադեղյանը եթե որոշի միանալ՝ նա մեր հարյուր տարվա բարեկամն է, մենք ուրախ կլինենք, բայց նա ընդգրկվել է նորաստեղծ Հայ ազգային կոնգրես կուսակցության վարչության կազմում: Ամբողջ աշխարհում կա ինտերնետ հասանելիություն, իսկ նա հակադարձ հայտարարությամբ հանդես չի եկել:
Այսօր լրագրողների հետ հանդիպմանը այս մասին ասաց նախկին քաղբանտարկյալ Ալեքսանդր Արզումանյանը՝ ի պատասխան այն հարցի, թե կիմանա՞ արդյոք ՆԳ նախկին նախարար Վանո Սիրադեղյանը նորաստեղծ ՀՀՇ-ին:
Իր հերթին Արարատ Զուրաբյանը պատասխանելով նույն հարցին՝ ասաց. «Վանո Սիրադեղյանը քաղաքական հալածյալ է, Հայաստանում չէ: Ուզում եմ մի բան կարևորել՝ մենք ուզում ենք այնպիսի քաղաքական համակարգ ստեղծել, որտեղ քաղաքական հայացքների և գործունեության համար քրեական հետապնդումներ չեն լինի: Ամեն ինչից զատ՝ Վանո Սիրադեղյանն ընտանիք ունի, փոքր տղան այսօր արդեն չափահաս է: Բոլորիս ցանկությունն է, որ նա վերադառնա Հայաստան, իսկ թե որտեղ նա իրեն կտեսնի՝ ՀԱԿ-ում, թե ՀՀՇ-ում՝ իր որոշելիքն է»:
