Իրենց ամենից ավելի երջանիկ են զգում այն կանայք, որոնց տարիքը գերազանցում է 90-ը: Նման տվյալներ են հրապարակել Ճապոնիայի Օսակայի համալսարանի գիտական գերոնտոլոգիական միության ներկայացուցիչները՝ տեղեկացնում է RIA Novosti-ն:
Հետազոտությունն անցկացվել է Ճապոնիայում, 70-ից բարձր տարիքային խմբերում՝ 5 չափանիշներով:
Հաշվի է առնվել, թե որքան երկար ժամանակ է մարդը գտնվում լավ տրամադրության մեջ, համարո՞ւմ է իրեն երջանիկ և այլն, ու արդյունքները գնահատվել են բալային համակարգով:
Հետազոտության արդյունքում պարզվում է, որ 70-ամյա կանայք հավաքել են 7.4 միավոր, 80-ամյա կանայք՝ 8.2, իսկ նրանք, որոնց տարիքը 90-ն անց է՝ 8.8 միավոր:
Եվ հակառակը՝ պարզվել է, որ տխրության ու ունայնության զգացումով ավելի շատ պատված են ավելի ցածր տարիք ունեցողները: Այդ ցուցանիշը 70-ամյա կանանց շրջանում կազմում է 3.2 միավոր, 80-ամյաների մոտ՝ 2.7, իսկ 90-ամյա կանանց մոտ՝ 2.3:
