McDonald’s ֆասթ-ֆուդ հաստատությունների ցանցը որոշել է իր կերակրացանկից հանել ԱՄՆ տարածքում ամենաթանկ բուտերբրոդներից մեկը՝ Angus Burger-ը, գրում է Bloomberg-ը: Այս բուտերբրոդի գինը կազմում է 4-5 դոլար:
Ինչպես նկատում է Associated Press-ը, McDonald’s-ի՝ կերակրացանկից Angus Burger-ը հանելու գաղափարի պատճառն այսպես կոչված «դոլարային կերակրացանկի» (դրա հիմքում՝ մոտ 1 դոլար արժողությամբ չիսբուրգերն է) նկատմամբ հետաքրքրության մեծացումն է: Ինչպես պատմել է գործակալությանը McDonald’s-ի մենեջերներից ռիչարդ Ադամսը, հաճախորդին դժվարէ համոզել գնել Angus Burger, երբ նույն գումարով կարելի է գնել միանգամից մի քանի բուրգեր:
Ինչպես նկատում է Time-ը, Angus Burger-ի հանվելու պատճառը կարող էր լինել այն, որ տավարի պահածոյացված մսի գինը թանկացել է 5 %-ով:
Ավելին, McDonald’s-ը պայքարում է վաճառքների ծավալների անկման դեմ:
Միևնույն ժամանակ, բացառված չէ, որ ապագայում Angus Burger-ը կարող է վերադառնալ McDonald’s՝ որպես հատուկ առաջարկ:
Նշենք, որ Angus բուրգերները McDonald’s-ի կերակրացանկում ներառվել էին 2009-ից:
