«Շատ հարգված և ընդունելի մարդիկ են ընդգրկված այդ խորհրդի մեջ, բայց դա արհեստական կառույց է, և դրանով իրենք, փաստորեն, խոստովանում են, որ Հայաստանում դատարան չկա, և այդ կառույցը պետք է կատարի դատարանի ֆունկցիա»,- խոսելով նորաստեղծ Տեղեկատվական վեճերի խորհրդի մասին` «Առաջին լրատվականի» հետ զրույցում կարծիք հայտնեց «Հայկական ժամանակ» օրաթերթի պատասխանատու խմբագիր Հայկ Գևորգյանը:
Գևորգյանը նկատեց, որ խորհրդի լիազորությունները Սահմանադրությամբ կամ օրենքով չեն սահմանվում և շատ հայեցողական են, ուստի իրենց կարծիքը այդ կառույցի գործունեության արդյունավետության վերաբերյալ բացասական է, և «Հայկական ժամանակը» այդ խորհրդի աջակցությանը չի դիմի: